Jepet pretenca për “Sterilizimin”, SPAK kërkon nga 10 vite burg për ish-zv.ministrin Rjepaj dhe biznesmenin Rrapaj

Aktualitet | 1 vit më parë

Struktura e Posaçme Antikorrupsion dha pretencën për të pandehurit e dosjes “Sterilizimi”.

SPAK, për ish-zv.ministrin e Shëndetësisë, Klodian Rjepaj dhe biznesmenin Ilir Rrapaj, kërkoi nga 10 vite burg secili, ndërsa me gjykim të shkurtuar iu zbritet në 6,8 vite burg.

Për Marsela Serjanin, SPAK kërkoi 3 vite e 6 muaj burg, me gjykim të shkurtuar 2 vite e 4 muaj.

Për Arben Gjatën u kërkuan 2 vite burg, që me gjykim të shkurtuar i zbritet në 1 vit e 4 muaj burg dhe i pezullohet në 3 vite shërbim prove.

SPAK kërkoi 2 vite burg për Genc Burazerin, me gjykim te shkurtuar i zbritet në 1 vit e 4 muaj dhe i pezullohet ne 2 vite shërbim prove. Të njëjtin dënim kërkoi edhe për Naile Ajazin.

Sa i përket ish-ministrit të Shëndetësisë Ilir Beqaj, gjykimi për këtë çështje vijon, pasi ai ka refuzuar gjykimin e shkurtuar.

Gazetare: Flutura Tota

/rtsh.al/

ilir beqaj

ilir rrapaj

klodian rjepaj

SPAK

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.