Akropoli është mbyllur përkohësisht këtë të martë (8 korrik), ndërsa temperaturat e larta vazhdojnë në Greqi.

Vendi i njohur në kryeqytetin Athinë do mbyllet nga ora 13:00-17:00 me orën lokale, tha ministria e kulturës së vendit.

Nuk është hera e parë që nxehtësia ekstreme mbyll atraksionin popullor, pasi e njëjta gjë ndodhi edhe në qershor dhe korrikun e vitit të kaluar.

Autoritetet thanë se mbyllja ishte për “sigurinë e punëtorëve dhe vizitorëve” në vend, i cili vizitohet nga dhjetëra mijëra njerëz çdo ditë, duke arritur në 4.5 milionë në vitin 2024.

Ministria e Punës ka vendosur gjithashtu një ndalesë të detyrueshme prej 5 orësh të punës për punëtorët në natyrë midis orës 12:00-17:00.

Vala aktuale e të nxehtit do të vazhdojë deri të mërkurën, me parashikime prej 40-42C për pjesët jugore të vendit, përpara se të fillojë të bjerë të enjten.

/rtsh.al/