Në Kukës, asnjë gëzim familjar nuk kalon pa tingujt e çiftelisë. Kjo vegël muzikore e lashtë është pjesë e pandarë e traditës dhe shoqëron çdo dasmë, fejesë apo festë me ritme që ngjallin emocion dhe krenari. Ajo nuk është thjesht një vegël muzikore, por një simbol i trashëgimisë kulturore.

Me dy tela dhe zemër të madhe, çiftelia shoqëron vallet, këngët dhe gëzimin e çdo familjeje kuksiane.

“Ka vendin e vet në gëzime, dasma apo miqësi”, u shpreh rapsodi Hamit Kastrati.

“Në çdo aktivitet është e pamundur të mos jetë çiftelia”, tha rapsodi Tafil Asllani.

Tingulli i saj i veçantë i bashkon njerëzit dhe i jep jetë festës, duke ruajtur gjallë frymën e zakoneve popullore si dhe duke u trashëguar brez pas brezi.

Në Kukës, çiftelia nuk çmohet nga banorët thjesht si një instrument është zëri i shpirtit të veriut.

Gazetare: Shkurte Elezaj

/rtsh.al/