Tubim pa incidente në Tiranë, protestuesit përsërisin kërkesat e tyre para godinës së qeverisë

Aktualitet | 38 minuta më parë

Një grup të rinjsh dhe qytetarësh janë mbledhur sërish këtë të diel përpara godinës së Ministrisë së Arsimit, në vijim të serisë së protestave të organizuara kundër qeverisë dhe kryeministrit Edi Rama.

Aktiviteti nisi si një grumbullim përpara dikasterit të Arsimit, nga ku më pas protestuesit nisën një marshim drejt godinës së Kryeministrisë në bulevardin kryesor.

Tubimi i organizuar këtë të diel u zhvillua i qetë dhe pa shënuar incidente apo përplasje me forcat e rendit. Si përpara Ministrisë ashtu edhe gjatë qëndrimit para godinës së qeverisë, protestuesit rikthyen në vëmendje të njëjtat kërkesa administrative dhe politike ku më kryesorja është kërkesa për dorëheqjen e kryeministrit Rama.

Të pranishmit paralajmëruan vijimësinë e protestave.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.