Lirohet nga qelia ish-shefi i rrugores Tiranë, GJKKO i cakton masën arrest shtëpie Roven Zekës pasi theu legenin në burg

Aktualitet | 1 vit më parë

GJKKO ka liruar nga burgu ish-shefin e Komisariatit Rrugor të Tiranës, Roven Zeka, duke e vendosur në “arrest shtëpie” për shkak të gjendjes së tij shëndetësore.

Zeka kërkoi lirimin nga qelia pasi pësoi frakturë në legen nga një rrëzim në paraburgim. Ai ishte arrestuar më 19 prill 2025 nga SPAK, së bashku me dy zyrtarë të tjerë, Edison Tabakun dhe Sokol Novakun, nën akuzën e korrupsionit pasiv.

Sipas hetimeve të SPAK, tre zyrtarët dyshohet se kanë marrë 2 mijë euro ryshfet për të mos proceduar një aksident me pesë të plagosur, ku ishte e përfshirë Anisa Vrioni, shumën dyshohet ta ketë dorëzuar bashkëshorti i saj, Ergest Vrioni.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.