Vengu pret anëtarë të Bundestagut: Fokus fuqizimi i industrisë së mbrojtjes

Aktualitet | 1 vit më parë

Ministri i Mbrojtjes, Pirro Vengu, priti sot në një takim zyrtar anëtarin e Bundestagut gjerman Tilman Kuban, zëdhënës për Çështjet Evropiane i grupit parlamentar CDU/CSU, si dhe deputetin David Preisendanz, anëtar i Komisionit Parlamentar për Çështjet e Bashkimit Evropian.

Në një postim në rrjetet sociale, Vengu e vlerësoi angazhimin e ripërtërirë të Gjermanisë në Evropën Juglindore dhe ndau foto nga takimi.

Gjatë bisedimeve, Vengu theksoi se ky angazhim i Gjermanisë sjell një qartësi të re, me rëndësi strategjike për rrugën e Shqipërisë drejt anëtarësimit në Bashkimin Evropian.

Vengu theksoi se fokusi në rritje ndaj sigurisë, zhvillimi i industrisë së mbrojtjes dhe stabiliteti gjeopolitik në kontinent janë sfida që kërkojnë bashkëpunim të ngushtë dhe qasje të koordinuar mes vendeve.

/rtsh.al/

bundestagu

mbrojtja

pirro vengu

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.