Lirohen hapësira publike përreth stadiumit “Air Albania”, procedohen 7 administratorë lokalesh

Aktualitet | 1 vit më parë

Hapësira publike përreth stadiumit “Air Albania” është liruara nga bizneset që e kishin zaptuar me tavolina, karrige e çadra, ndërsa 7 administratorë lokalesh janë proceduar penalisht. Policia njofton se janë sekuestruar rreth 330 objekte që iu shërbenin këtyre aktiviteteve ekonomike dhe që ishin vënë pa autorizim.

Sipas policisë, trotuare dhe vendkalime këmbësorësh në këtë zonë ishin zënë me tavolina, ulëse dhe çadra, për llogari të 7 lokaleve përreth stadiumit.

Një aksion për lirimin e hapësirave publike ka nisur në të gjithë vendin, teksa autoritete kanë deklaruar se nuk do të lejohen më zaptimi i hapësirës që i përket qytetarëve.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.