Është zbardhur përgjimi i anëtares së pandehur të Komisionit të Prokurimeve Publike, Lindita Skeja, që implikon kreun e këtij institucioni, Jonaid Myzyrin, për aferën e tenderit 2.3 milionë euro për mirëmbajtjen e rrugës 58.7 km “Shpal – Ura e Repsit”.

Në bisedat e përgjuara nga SPAK, pjesë të dosjes hetimore, Skeja tregon se kishte garanci nga Myzyri për firmat që do të vendoste.

Ajo thotë në një bisedë me nënën e saj: “Ai na mbajti kështu, që krijuam besim që ne jemi miqtë e atij, edhe rrimë të qetë. Na ofroi mori informacionesh. Unë vajta dhe i shërbeva si qeni. I shërbeva me sy mbyllur.”

Skeja gjithashtu zbulon mënyrën sesi veprohej me firmat dhe paratë, duke thënë: “E dua edhe pikë, e dua kështu, firmos ne, të gjithë si delet. Shkonim ku të na thërrisnin, rresht. Firmën ne, e lekët ata.”

Hetimet e SPAK zbulojnë edhe një ngjarje që lidhet me një grabitjen e 200 mijë eurove në shtëpinë e Lindita Skejës në një fshat të Librazhdit dhe marrjen peng të vëllait të saj, një rast që hetuesit po e lidhin me dyshimet për korrupsion në KPP.

Gazetare: Lusi Përgjegji

/rtsh.al/