Ashtu siç ishte parashikuar, në sheshin “Skënderbej” është zhvilluar protesta nën moton “Ndaloni urinë, lejoni ushqimin dhe jetën” në mbështetje të popullit të Palestinës.

Pjesë e këtij organizimi ishte edhe aktivistja suedeze me famë ndërkombëtare, Greta Thunberg, e cila bëri edhe thirrje në shqip: “Liri për Palestinën”.

“Gaza ka hyrë në fazën e pestë të kequshqyerjes, ndërkohë që në anën tjetër të kufirit mijëra kamionë me ndihma ushqimore presin për të hyrë. Kjo është pasojë direkte e heshtjes së botës që e lejoi Izraelin të kryente këtë gjenocid. Ne po jetojmë në një kohë që karakterizohet nga gjenocidi dhe katastrofat natyrore. Gjenocidi në Gaza, krimet humanitare në botë dhe eskalimi i ngrohjes globale kanë të njëjtin shkak. Nëse vrasja e miliona njerëzve në Gaza nuk është e mjaftueshme për t’ju ngritur nga divani, çfarë do të jetë tjetër…?”, tha ajo,

Protesta nisi në orën 18:00, ku të pranishmit mbrojtën kauzën e tyre dhe ndalimin e luftës në Gaza, përmes deklaratave të ndryshme që përcillnin solidarizimin e madh me palestinezët në Gaza.

Gazetare: Jonela Sagajeva

/rtsh.al/