Egnatia prek kualifikimin, fiton me Dinamo Minsk

Conference League | 1 vit më parë

Egnatia ka arritur një fitore 2-0 përballë kampionëve të Bjellorusisë, Dinamo Minsk, në sfidën e parë të turit të dytë të Ligës së Konferencës të luajtur në Hungari.

Pas eliminimit nga Liga e Kampioneve, kampionët e Shqipërisë kanë arritur të reagojnë dhe të tregojnë forcën e tyre me lojë dhe rezultat duke mos i dhënë asnjë mundësi kundërshtarit.

Goli i parë u shënua në minutën e 28-të, pas një aksioni model, Fernando shërbeu për Lushkjan, i cili nuk fal, 1-0.

Për të “blinduar” fitoren ka menduar Bakayoko, i cili ka dërguar topin në rrjetë pas disa mundësive të humbura të rrogozhinasve.

Një fitore e merituar për Egnatian, kalimi i turit duket mëse i arritshëm, në pritje të ndeshjes së kthimit në Rrogozhinë.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.