I pandehur për tenderin 2.3 mln euro, kreu i KPP merret në pyetje nga SPAK

Aktualitet | 1 vit më parë

Kreu i pezulluar i Komisionit të Prokurimit Publik, Jonaid Myzyri, është paraqitur këtë të martë (29 korrik) në Prokurorinë e Posaçme pasi është kërkuar të ripyetet në lidhje me akuzat që rëndojnë ndaj tij.

Ai ka qëndruar ambientet e Prokurorisë së Posaçme përreth dy orë, ku është marrë në pyetje nga prokurori Elvin Gogaj.

Një ditë më parë, SPAK i komunikoi Myzyrit akuzën për shpërdorim detyre dhe shkelje të barazisë në tendera lidhur me tenderin 2.29 milionë euro për mirëmbajtjen e aksit rrugor Shpal-Ura e Repsit.

Sipas SPAK, bëhet fjalë për procedurën e prokurimit për mirëmbajtjen e aksit rrugor Shpal-Ura e Repsit, me fond limit 219.866.693 lekë pa tvsh, zhvilluar më datë 18.9.2020, me autoritet kontraktor Autoriteti Rrugor Shqiptar.

Sipas Prokurorisë së Posaçme, procedura ka pasur paligjshmëri, të cilat Komisioni i Prokurorimit Publik nuk i ka marrë në konsideratë, duke favorizuar bashkimin e operatorëve ekonomik, ku pas veprimeve hetimore ka rezultuar se kanë paraqitur dokumente të falsifikuara.

/rtsh.al/

jonaid myzyri

SPAK

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.