“Të dëmshpërblehen banorët e Delvinës”, Ina Zhupa: Procesi të jetë i drejtë, banorët pësuan dëme nga zjarri

Aktualitet | 1 vit më parë

Deputetja demokrate Ina Zhupa kërkon që banorët e prekur nga rënia e zjarreve të dëmshpërblehen.

Në një takim me banorë të njësisë administrative të Vergos në Delvinë, znj. Zhupa tha se dëmet janë të konsiderueshme, duke kërkuar nisjen e punës për konstatimin e tyre dhe më pas dëmshpërblimin.

“Është i rëndësishëm evidentimi, ashtu siç është i rëndësishëm dëmshpërblimi i plotë monetar i banorëve, në mënyrë të tillë që të kenë mundësi të rikuperojnë dhe të vazhdojnë jetesën e tyre në këto fshatra të bekuara nga Zoti, por mesa duket të pamundura për të jetuar në këto kushte që u janë shkaktuar tashmë nga zjarri,” u shpreh deputetja demokrate.

Zonja Zhupa tha se është domosdoshmëri ngritja e një grupi pune të përbashkët në Bashki, për të evidentuar dëmet e banorëve nga rënia e zjarreve.

Gazetare: Anisa Kadesha

/rtsh.al/

delvine

ina zhupa

zjarret

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.