Ekspozita “Vetmi dhe fantazi” e Xhelsina Petritajt, 16 punime të realizuara në akrilik

Kulturë | 1 vit më parë

“Vetmia përballë fantazisë” është ekspozita e parë e artistes bashkëkohore Xhelsina Petritaj, e cila prezanton dy botë të artistes të pasqyruara nëpërmjet fuqisë së akrilikut në telajo dhe letër.

Në punët e prezantuara, përveç eksplorimit të raportit mes trupit dhe shpirtit, ndjesisë së identiteteve të shthurura apo të ndrydhura, spikat protagonizmi i vetë Xhelsinës në tentativë të gjetjes së siluetës së identitetit të saj të transformuar në konture të paqarta, të turbullta, por që ende mbetet gjallë.

“Këto punime i kam zgjedhur me dëshirën time, sepse këtë ekspozitë e konsideroj si rilindjen time. Të gjitha punimet janë realizuara në 2025-ën,” tha artistja.

Ekspozita do të qëndrojë e çelur deri më 16 gusht.

Gazetare: Xhilda Kondi

/rtsh.al/

ekspozita

xhelsina petritaj

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.