FOTOT- Aksident masiv në aksin Lushnjë-Fier, 6 persona të lënduar

Kronikë | 1 vit më parë

Një aksident masiv ka ndodhur sot në aksin rrugor Lushnjë-Fier, pranë vendit të njohur si “Pushimi i shoferit”. Në aksident janë përfshirë pesë automjete, përfshirë edhe një kamion-autobot.

Dyshohet se shkak i aksidentit ka qenë mosrespektimi i shpejtësisë së lejuar dhe rrëshqitja në rrugë për shkak të shiut të rënë pak çaste më parë. Për pasojë, rruga nacionale është mbushur me ujë, duke e bërë të vështirë kontrollin e mjeteve.

Si pasojë e përplasjes, gjashtë persona kanë marrë lëndime të lehta. Ata janë transportuar menjëherë në spitalin e Lushnjës për të marrë ndihmë mjekësore dhe për një kontroll më të detajuar.

Policia ndodhet në vendngjarje dhe po heton për zbardhjen e plotë të rrethanave të aksidentit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.