Bashkia e Korçës ka nisur një aksion për rregullimin e hapësirave publike, duke ndërhyrë për të siguruar qarkullimin e lirë në trotuare, rrugë dhe hapësira të përbashkëta. Ky aksion, i cili do të shtrihet në të gjitha lagjet e qytetit, ka si qëllim garantimin e rendit dhe funksionalitetit në mjediset urbane.

Iniciativa është pjesë e programit qeveritar “Rilindja Urbane 2.0” dhe po zbatohet nga ekipet e bashkisë në terren.

Sipas njoftimit të publikuar në faqen e Bashkisë Korçë, i cili shoqërohet edhe me disa foto, lirimi i hapësirave publike konsiderohet i domosdoshëm për rritjen e cilësisë së shërbimeve dhe funksionalitetit të bizneseve, në përputhje me standardet kombëtare të mikpritjes dhe shërbimit. Kjo masë, e nisur në fillim të korrikut, synon të përmirësojë cilësinë e jetës në komunitet në të gjithë Shqipërinë, jo vetëm në zonat turistike.

Aksioni do të jetë në fokus të vazhdueshëm të angazhimit të pushtetit vendor dhe qendror.

/rtsh.al/