Rama ndan pamje nga aksioni për lirimin e hapësirave publike: Pa ndalim deri në çlirimin e çdo trotuari

Aktualitet | 1 vit më parë

Kryeministri Edi Rama ka vijuar sot me mesazhe të qarta ndaj bizneseve që shfrytëzojnë hapësirat publike në mënyrë të paligjshme.

Ai ka publikuar sot pamje të reja nga aksioni për lirimin e hapësirave publike, duke theksuar se ky proces do të vijojë pa ndërprerje.

“Pa ndalim deri në çlirimin e çdo trotuari”, shkruan Rama në një postim në Facebook.

Kreu i qeverisë ka deklaruar më herët se aksioni do të jetë konstant gjatë katër viteve të ardhshme, ndërsa paralajmëroi reformimin e strukturave të kontrollit të territorit dhe inspektorateve bashkiake të IMT-së.

Gjithashtu ai ka paralajmëruar se po hartohet edhe Rregullorja Kombëtare në të cilën do të përcaktohen me ligj hapësirat që mund të shfrytëzojë biznesi.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.