Presidenti i Republikës, Bajram Begaj, uroi sot shqiptarët me rastin e Ditës së Çlirimit, duke theksuar rëndësinë e vlerave të lirisë dhe sakrificës së dëshmorëve.

“Gëzuar festën e Çlirimit Shqipëri! Dje, sot dhe përgjithmonë, besnikë ndaj të njëjtave vlera. Sot përkulemi me nderim para sakrificës së popullit tonë dhe dëshmorëve të Luftës së Dytë Botërore, që dhanë jetën për lirinë dhe çlirimin e atdheut. Guximi, qëndresa dhe gjaku i tyre janë themelet mbi të cilat qëndron liria jonë. Mirënjohja jonë nuk është vetëm kujtesë historike, por detyrim i përditshëm për të mbrojtur lirinë, dinjitetin njerëzor dhe paqen,” u shpreh Presidenti Begaj.

Me rastin e 81-vjetorit të fitores së luftës kundër nazifashistëve, Kreu i Shtetit kreu homazhe pranë memorialit “Nëna Shqipëri”, ku vendosi një kurorë me lule në nderim të të rënëve për çlirimin e atdheut.

/rtsh.al/