Këto janë ditë të trazuara për Real Madridin pas humbjes tronditëse në shtëpi ndaj Celtës dhe rezultateve të fundit nën pritshmëritë. Xabi Alonso ka qenë në bankën e të akuzuarve dhe nesër në mbrëmje kundër Manchester Sitit të Pep Guardiolës, jo vetëm tre pikët janë në lojë, por edhe e ardhmja e tij.

“Ky është një ekip dhe të gjithë jemi në të njëjtën barkë. Kur je trajner i Real Madridit, duhet të jesh gati t’i qasesh këtyre situatave me qetësi dhe përgjegjësi”, shpjegoi trajneri i madrilenëve në një konferencë për shtyp. “Celta është pas krahëve dhe sot është vetëm City. Në futboll, gjërat mund të ndryshojnë shpejt.”

Xabi Alonso komentoi thashethemet për shkarkimin e tij: “Fokusi im është në fushë, te City. Jam i përqendruar në këtë. Jemi të përgatitur mendërisht për t’u përballur me çfarëdo që na pret. Ekipi është i bashkuar dhe i bindur se mund të fitojmë nesër. Për ta bërë këtë, do të duhet të luajmë një ndeshje të mirë, me ritëm të mirë dhe intensitet të lartë.” Së fundmi, kur u pyet nëse ekipi është pas tij, ai dha një përgjigje të shkurtër: “Po.”