Skena magjike e Pallatit të Kongreseve ka ngritur siparin për natën e dytë të Festivalit të 64-të të Këngës në RTSH. Pas një nate të parë plot emocione, sonte plotësohet “mozaiku” me 14 artistët e mbetur, duke çuar në 28 numrin total të këngëve konkurruese që synojnë trofeun e madh dhe përfaqësimin e Shqipërisë në Eurovision.

Guri i çmuar i këtij festivali mbetet Orkestra e RTSH-së, e cila shoqëron live çdo interpretim, duke garantuar nivelin më të lartë muzikor.

Surpriza e madhe e natës pritet të jetë edhe performanca mbyllëse e tenorit me famë botërore, Ramë Lahaj. Si kryetar i jurisë, Lahaj do të zbresë nga paneli i vlerësimit për t’i dhuruar publikut një moment magjik në skenë, i cili do të pasohet nga një mini-intervistë ku do të ndajë emocionet e këtij edicioni.

Formula e finales

Organizatorët kanë bërë të qartë mekanizmin që do të dërgojë artistët drejt natës finale. Nga 28 këngëtarë që nisin rrugëtimin:

•     23 artistë do të kalojnë në finale.

•     5 artistë do të skualifikohen.

•     Finalja do të ketë 5 vende për “Debutuesit” dhe 18 vende për kategorinë “Big”.

Votimi

Fituesi i madh do të vendoset nga një balancë mes Jurisë (50%) dhe Publikut (50%) përmes votimit me SMS.

Juria e Fest 64

Shtatë emra autoritarë të artit dhe medias kanë marrë përsipër barrën e vlerësimit:

1.    Ramë Lahaj (Kryetar – Tenor)

2.    Bleona Qereti (Këngëtare)

3.    Olen Çezari (Violinist)

4.    Belinda Budini (Dekane, UET)

5.    Valentin Veizi (Kompozitor)

6.    Anila Basha (Gazetare)

7.    Zef Çoba (Kompozitor)

Artistët që performojnë sonte

Gara e natës së dytë premton rivalitet të fortë me emra të njohur dhe talente të reja:

1.    Savjana Vjerdha – Dimër për dimër, vjeshtë për vjeshtë

2.    2Farm – Valle mbi hi

3.    Gerta Mahmutaj – Në krahët e tu

4.    Sihana Haxhnikaj – Horizont

5.    Luna Çausholli – Pa kufij

6.    Erik Lloshi – Dy pika dashuri

7.    Frensi – Tresh

8.    Malvina Likaj – Përtej shpirtit

9.    Vedat Ademi – Kur fjala mbaron

10.  Kamela Islamaj – Pa pretendime

11.  ThreeX – Vite

12.  Endri Kaçaçi – Si unë

13.  Fifi & Tiri Gjoci – Rri

14.  Evi Reçi – Kodi i jetës

/rtsh.al/