Shpërndarja e bonusit të fundvitit për pensionistët po vijojnë të të gjithë vendin, ndërsa prej saj përfitojnë mbi 700 mijë pensionistë. Gjatë një vizite solidariteti dhe shpërndarje të mesazheve festive, kryetari i Grupit Parlamentar të Partisë Socialiste, Taulant Balla, i shoqëruar me Drejtuesen Politike të PS për Tiranën, Ogerta Manastirliu, u shprehën se ky bonus është një mbështetje më se e merituar për pensionistët.

Ata zhvilluan një vizitë në familjen Shkurti në Njësinë 5 në kryeqytet, duke ndarë urimet për festat e fundvitit.

Bonusi synon të lehtësojë shpenzimet gjatë periudhës së festave dhe të ofrojë një ndihmë konkrete për pensionistët.

Balla dhe Manastirliu theksuan rëndësinë e rolit të gjyshërve në ruajtjen e vlerave familjare dhe bashkimit shoqëror, duke nënvizuar se pensionistët do të vijojnë të jenë në qendër të vëmendjes dhe mbështetjes institucionale.

/rtsh.al/