Periudha e festave po afrohet, por Premier League nuk bën kurrë pushime. Më 27 dhjetor do të ketë sërish ndeshje dhe trajnerët janë pak të shqetësuar se ndoshta ndonjë lojtar e tepron pak në tavolinë për Krishtlindje.

I pari është si gjithmonë, Pep Guardiola, trajneri spanjoll i Manchester City. Ai ua ka bërë të qartë të tijve se nuk do të tolerojë aspak, nëse dikush shton ndonjë kilogram. “I kam peshuar të gjithë lojtarët e skuadrës sonës. Më 25 do t’i peshoj përsëri dhe do të shohim se sa kilogramë mund të kenë shtuar këto tri ditë pushimi.

Nuk po them se nuk duhet të hanë gjatë festave, por duhet t’i kontrolloj. Nëse e ekzagjerojnë gjatë pauzës së Krishtlindjeve, do t’i lë jashtë ndeshjes kundër Nottingham Forest. Imagjinoni një futbollist, sot perfekt, pastaj kthehet me 3 kilogramë më shumë”, – ka thënë trajneri i Manchester City.