Një zjarr i përmasave të mëdha ka përfshirë sot zonën e Fllakës në Durrës, duke shkrumbuar disa mjete të vjetra të parkuara.

Sipas informacioneve paraprake, bëhet fjalë për autobusë të braktisur, të cilët ishin rreshtuar pranë njëri-tjetrit, gjë që favorizoi përhapjen e shpejtë të flakëve nga një automjet tek tjetri.

Ngjarja ka ndodhur në sektorin “Rinia” gjatë mesditës së sotme.

Sipas gazetares të RTSH-së, Aleks Kalemasi raporton se , forcat zjarrfikëse mbërritën menjëherë në vendngjarje, por ndërhyrja u vështirësua për shkak të terrenit të pakalueshëm, pasi toka përreth ishte e mbuluar me ujë, duke e bërë të pamundur afrimin e mjeteve zjarrfikëse pranë autobusëve të përpirë nga flakët.

Hetimet për shkaqet e zjarrit janë në proces, ndërsa autoritetet lokale po punojnë që situata të jetë në kontroll.

Njoftimi i Policisë / Informacion paraprak

Rreth orës 13:45, në lagjen nr. 15, Durrës, në parkun e autobusëve në sektorin “Rinia”, pranë “Eco Park”, ka rënë zjarr në ambientet e parkimit të autobusëve, ku, si pasojë, janë përfshirë nga flakët disa autobusë të vjetër.

Në vendngjarje ndodhen shërbimet e Policisë dhe të zjarrfikëses, të cilat po punojnë për shuarjen e plotë të zjarrit dhe për sqarimin e rrethanave dhe shkakut të ngjarjes.

/rtsh.al/