FOTOLAJM/ Samiti në Paris, kryeministri Rama takohet me Jared Kushner

Politikë | 10 muaj më parë

Kryeministri Edi Rama, i pranishëm në Paris për Samitin e Koalicionit të Vullnetmirëve për Ukrainën, ka zhvilluar një takim Jared Kushner, dhëndrin e presidentit të SHBA-së, Donald Trump.

Jared Kushner dhe i dërguari i posaçëm i SHBA-së, Steve Witkoff, morën pjesë në takimin e aleatëve të Ukrainës.

Para nisjes së punimeve, kreu i qeverisë shqiptare u takua edhe me ministrin e Drejtësisë së Francës, Gérald Darmanin, me të cilin diskutoi për përfshirjen e ekspertizës franceze në konsolidimin e draftit të ri të Kodit Penal të Shqipërisë, në përputhje me standardet dhe praktikat më të mira europiane.

Gjithashtu, Rama u prit me nderime nga Presidenti i Francës, Emmanuel Macron.

Samiti, që mblodhi mbi 27 udhëheqës shtetesh dhe qeverish, kishte si objektiv madhor finalizimin e një marrëveshjeje konkrete për garancitë e sigurisë së Ukrainës.

/rtsh.al/

edi rama

Jared Kushner

ukraine

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.