Europa veriore po përjeton sot, (e premten 9 janar) një valë të fuqishme stuhish që ka sjellë erëra të forta, reshje të dendura dhe ndërprerje masive të energjisë elektrike në Francë dhe Britani.

Sipas kompanisë së shpërndarjes së energjisë Enedis, rreth 380,000 familje kanë mbetur pa energji elektrike, kryesisht në rajonet e Normandisë dhe Bretanjës.

Erërat kanë arritur shpejtësi deri në 150 km/orë në departamentin Mans, ndërsa në Barfleur është regjistruar një rekord prej 213 km/orë. Për shkak të kushteve ekstreme, kompania hekurudhore SNCF pezulloi shërbimet e trenave midis Parisit dhe Normandisë.

Në Britani, stuhia ka lënë pa energji elektrike 57,000 shtëpi, ndërsa sipas BBC-së, numri i familjeve pa furnizim ka arritur në 65,000, kryesisht në rajonin e Kornuollit.

Stuhia solli reshje të dendura bore pas një jave me temperatura të ulëta, duke rënduar situatën.

Qindra shkolla në Skoci dhe pjesë të Anglisë qendrore do të mbeten të mbyllura, ndërsa kompanitë hekurudhore kanë paralajmëruar qytetarët të shmangin udhëtimet.

Disa linja janë pezulluar për shkak të kushteve të rrezikshme.

🇬🇧 ❄️ ☃️ 🌨
Worst snowfall in a decade. 🇬🇧
Britons are facing significant travel disruption on planes, trains and roads as Storm Goretti wreaks havoc across the country. Nearly 57,000 home are without power. Storm Goretti takes its toll on great Britain.🇬🇧 ❄️ ☃️ 🌨 pic.twitter.com/kJafHjbob1

— Crystal (@Crystal_J10c) January 9, 2026

Zyra Meteorologjike Britanike ka lëshuar një paralajmërim të kuq për erëra të forta – niveli më i lartë i alarmit – që prek Ishujt Scilly dhe pjesën më të madhe të Kornuollit.

Ky alarm prek rreth gjysmë milioni njerëz, ku autoritetet paralajmëruan gjithashtu se “valët shumë të mëdha do t’i bëjnë disa zona bregdetare shumë të rrezikshme”.

Moti i keq po konsiderohet si një nga më të fuqishmit e viteve të fundit në Evropën veriore, duke lënë pas dëme të mëdha materiale dhe mijëra familje pa energji elektrike në Francë dhe Britani.

Autoritetet paralajmërojnë se kushtet ekstreme mund të vazhdojnë edhe në ditët në vijim, duke rritur rrezikun për transportin dhe sigurinë e qytetarëve.

A wet and windy start to Friday for much of England and Wales, with snow in places ⚠️

In Scotland, Northern Ireland and parts of NW England, a bright but cold start with frost and ice ❄️

Rain persisting for parts of east and southeast England, with wintry showers elsewhere 🌦️ pic.twitter.com/87nZByuagk

— Met Office (@metoffice) January 8, 2026

/rtsh.al/