“A është më shumë dëshira për t’u larguar në shtatë pikë apo frika për t’u afruar në një pikë? Ne duam të largohemi me shtatë pikë, ata duan të afrohen në një. Por dëshira është e fortë, ka angazhim, ambicie, fokus, vullnet, ekuilibër. Kohët e fundit kemi dhënë vazhdimisht rezultate dhe performanca”.

“Gjithmonë kemi punuar mirë për të kapërcyer momente të caktuara. Dëshira dhe ambicia kanë qenë gjithmonë aty, ndoshta edhe më shumë tani duke pasur parasysh atë që ka ndodhur muajin e fundit. Kjo është një ndeshje që mund të ndryshojë drejtimin e progresit tonë”.

Kështu e paraqet Cristian Chivu ndeshjen e madhe të së dielës në mbrëmje në San Siro kundër Napolit. “Ekipi ka ndryshuar me punë të palodhur, besim dhe ambicie. Këto janë gjëra që i kemi sjellë në fushë. Numrat nuk janë të mjaftueshëm, duhet të tregosh vlerën e vërtetë të një skuadre”.

“Është shumë e lehtë të flasësh për ndeshje kokë më kokë që nuk i kemi fituar, vetëm sepse numrat e thonë këtë. Realiteti është se unë jam në krye të tabelës, jam përpara ekipit që më mundi, kam më shumë gola të shënuar. Jemi të vetëdijshëm për rëndësinë e këtyre ndeshjeve, por të gjitha ndeshjet vlejnë njësoj”.