Kryeministri Edi Rama ka njoftuar krijimin e një agjencie të re, e cila do të ketë si mision rritjen e cilësisë së planifikimit dhe projektimit në nivel vendor.

“Të bëjmë një hap më tutje për të rritur cilësinë e planifikimit dhe projektimit. Agjencia e re që do të krijohet do të ketë si objektiv dhe mision që të jetë një forcë e shtuar dhe të asistojë bashkitë në planifikim, duke krijuar një kanal më të shpejtë ndërveprimi, qoftë për zonat e zhvillimit, qoftë për projektet e lejeve të ndërtimit, si dhe për godinat me karakter social, shkolla, kopshte, çerdhe”, u shpreh Rama.

Sipas tij, kjo agjenci pritet të shfrytëzojë kapacitetin e arkitektëve të huaj dhe studiove vendase që bashkëpunojnë me ta, duke sjellë standarde më të larta në projektimin urban dhe social. Rama tha se plani i reformës për krijimin e saj është pothuajse drejt përfundimit dhe pritet të vihet në zbatim në një kohë të afërt.

/rtsh.al/