Muriqi mes pesë goleadorëve më të mirë të Europës, Mallorca nuk festonte një tregolësh prej 2008-ës

Spanjë | 10 muaj më parë

Sulmuesi i RCD Mallorca, Vedat Muriqi, me numrat e golave ka tërhequr vëmendjen e medieve spanjolle. Sulmuesi dardan ka shënuar plot 14 gola në La Liga duke u renditur i dyti mbas Mbapppe (19).

Numrat e 31-vjeçarit janë mjaft të rëndësishëm këtë vit pasi ai renditet mes pesë goleadorëve më të mirë të pesë ligave kryesore në Europë. Në këtë listë gjenden emra si Kane (20), Haaland (20), Mbappe (19) dhe Thiago (16).

Tri golat përballë Athletic Bilbao-s kanë bërë që Vedat Muriqi të listohet mes lojtarëve të momentit. 31-vjeçari ka bërë diçka që nuk ndodhte prej 17 vitesh në ishull. Për herë të fundit një lojtar i RCD Mallorca-s kishte shënuar tri gola në një ndeshje në 2008-ën (Dani Güiza ndëshkoi tri herë Murcia-n).

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.