“Një arkivë që ndriçon është një komb që kujton”/ Rama publikon pamjet nga transformimi i Arkivit të Filmit

Kulturë | 10 muaj më parë

Kryeministri Edi Rama ka ndarë sot me publikun pamje nga transformimi rrënjësor i Arkivit Qendror Shtetëror të Filmit (AQSHF), institucionit që ruan trashëgiminë vizuale dhe historike të Shqipërisë.

Përmes një postimi në rrjetet sociale, kreu i qeverisë ka evidentuar rëndësinë e modernizimit të kësaj strukture, jo vetëm si investim infrastrukturor, por si një detyrim ndaj kujtesës kombëtare.

“Një arkivë që ndriçon është një komb që kujton”, shkruan Rama krah pamjeve.

Ky transformim synon të garantojë kushte optimale për ruajtjen, restaurimin dhe digjitalizimin e fondit të pasur kinematografik shqiptar, duke shpëtuar nga degradimi mijëra tituj filmash, dokumentarësh dhe kronikash që datojnë prej dekadash.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.