“Është një ndeshje si çdo ndeshje tjetër. Natyrisht, duke parë pikët dhe renditjen e nevojshme për t’u kualifikuar, është e qartë se duhet të fitojmë. Ka pak presion, por nëse një barazim nesër do të ishte i mjaftueshëm, paradoksalisht do të kishim disa vështirësi psikologjike. Në vend të kësaj, e dimë që duhet të fitojmë”.

Trajneri i Benficas, José Mourinho, e tha këtë në një konferencë për shtyp në prag të ndeshjes së Ligës së Kampionëve kundër Juventusit: “E dimë kundër kujt po luajmë, ku po luajmë, por prapë do të përpiqemi të luajmë për të fituar. Në fund, do të shohim se çfarë na mungon për të pasur një shans për t’u kualifikuar(për playoff)”.

Pastaj një përgjigje për fjalët e mira të Spallettit për të: “Mendoj se është një fakt publik që unë dhe Luciano kemi një marrëdhënie të mirë. Thashethemet janë pjesë e futbollit dhe e punës sonë, por marrëdhënia jonë jashtë futbollit është një histori tjetër. Unë e respektoj atë, ai është një trajner që më pëlqen shumë”.

“E kuptoj që në Portugali dhe Itali, të gjitha këto gjëra ndonjëherë janë më të rëndësishme sesa historia e vërtetë, domethënë që ka Juve-Benfica në Ligën e Kampionëve, por Spalletti tha diçka shumë të bukur në konferencën për shtyp: se Benfica është një pjesë e historisë. Kjo është shumë e bukur për ne”.