Tiranë, tentoi të grabiste me armë zjarri një bankë të nivelit të dytë, arrestohet autori. Dëshmia në polici: Jam i zhytur në borxhe

Aktualitet | 9 muaj më parë

Një tentativë grabitje në një bankë të nivelit të dytë është regjistruar këtë të enjte (12 shkurt) në Tiranë. Ngjarja u regjistrua rreth orës 11:15 në Rrugën e Kavajës, ndërsa autori është identifikuar si 58-vjeçari me inicialet B.F..

Sipas Policisë, ai ka hyrë në ambientet e bankës, me qëllim vjedhjen e saj, dhe ka qëlluar me armë zjarri në dysheme. Fatmirësisht, nga të shtënat nuk kanë mbetur persona të lënduar.

Shërbimet e Policisë kanë ndërhyrë menjëherë pas marrjes së njoftimit dhe kanë bërë të mundur kapjen e autorit të dyshuar në tentativë për tu larguar nga vendi i ngjarjes.

Ai është shoqëruar në Komisariat, ndërsa gjithashtu është sekuestruar edhe arma e zjarrit. Në dëshminë e tij para policisë, 58-vjeçari ka deklaruar “jam i kredhur në borxhe”.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.