Falë golit të Zielinskit në minutën e 90-të, Interi fitoi derbin e Italisë në javën e 25-të të Serisë A me rezultatin 3-2. Zikaltërit morën epërsinë në minutën e 17-të, harkimi i Luis Henrique u devijua nga Cambiaso, duke e lënë Di Gregorion të mposhtur. Autogolin e pafat Cambiaso e kompensoi nëntë minuta më vonë, duke mposhtur mbrojtjen zikaltër dhe portierin nga harkimi i McKennie.

Pasi zikaltërit goditën dy herë shtyllën, incidenti më i diskutueshëm ndodhi në minutën e 42-të: Kalulu, i ndëshkuar me karton të verdhë, u duk se rrëzoi Bastonin dhe u përjashtua, por nuk pati kontakt. VAR, megjithatë, nuk mundi të ndërhynte. Juve mbeti me dhjetë lojtarë për të gjithë pjesën e dytë. Zonja e Vjetër u shemb në minutën e 76-të nga goditja me kokë e Espositos pas një tjetër asisti të Dimarcos.

Zemra e bardhezinjve, megjithatë, nuk pushoi kurrë së rrahuri dhe në minutën e 83-të, gjuajtja me të djathtën e Locatelli-t habiti Sommer-in duke e bërë rezultatin 2-2. Dukej se gjithçka kishte mbaruar, por në minutën e 90-të, gjuajtja me të majtën e Zielinski-t mposhti Di Gregorion dhe bëri që San Siron të tërbohej.

Me këtë fitore, Interi u rikthye në një epërsi prej tetë pikësh ndaj Milanit, por duhet thënë se bardhezinjtë u mposhtën në sekondat e fundit pas një pjese të dytë heroike.