Trajneri Arteta ka orientuar drejtorin sportiv të “Gunners” të marrë informacion nga klubi zikaltër, ku Ausilio është përgjigjur në mënyrë shumë të qartë.

Më 20 janar trajneri Cristian Chivu u këshillua me ndihmësin e tij për mënyrën si të çante skuadrën më të fortë të momentit, Arsenalin. Pio Esposito u fut në fushë, sfidoi në duel mbrojtësit kundërshtarë dhe kështu tërhoqi vëmendjen e Artetës. Edhe e trembi njëkohësisht trajnerin spanjoll.

Arteta është një trajner shumë sensibël ndaj talentit të të rinjve dhe menjëherë futi ni lojë Gabriel Magalhaes që të ndalte sulmuesin e ri. Interi humbi 1-3, por Pio mbeti në sytë e stafit të Arsenalit, që tashmë po bën tentativa për të marrë italianin e dytë, pas Calafiori-t.

Arteta i ka kërkuar Andrea Berta-s, drejtorit sportiv të Arsenalit, të kontaktojë me Interin. Berta ka folur me kolegun Ausilio për të mësuar më shumë për situatën, a është në shitje Esposito dhe sa kushton. Tek Interi nuk janë menduar fare, por janë përgjigjur me një “Jo” të prerë.

Pio konsiderohet e ardhmja e ekipit zikaltër. Ai ka katër vite kontratë dhe nuk është në merkato, për asnjë shifër. Pra, nuk ka asnjë shans bisedimesh mes dy klubeve për sulmuesin e ri italian.