Ronaldo, dëmtimi është më serioz nga sa pritej, enigmë koha e rikuperimit

Futboll Bota | 8 muaj më parë

Al Nasr njoftoi se Cristiano Ronaldo, i dëmtuar të shtunën e kaluar në një ndeshje të ligës së Arabisë Saudite, ka pësuar një këputje muskulore në kofshën e djathtë. Ky është një skenar më i keq se ai i parashikuar nga trajneri i klubit, i cili kishte folur për lodhje muskulore pas ndeshjes.

Lojtari portugez ka filluar rehabilitimin, megjithëse klubi nuk ka zbuluar një kohë të rikuperimi. Më poshtë është deklarata zyrtare e klubit: “Cristiano Ronaldo pësoi një dëmtim në kofshë pas ndeshjes së fundit kundër Al Fayha. Lojtari tashmë ka filluar rehabilitimin dhe do të vlerësohet ditë pas dite”.

Ndryshe nga sa ka qarkulluar në orët e fundit, dhe siç është konfirmuar nga gazeta spanjolle AS, CR7 nuk u largua kurrë nga Riadi me avionin e tij privat. Portugezi do t’i nënshtrohet rehabilitimit në mjediset e klubit.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.