Kuvendi nuk hoqi imunitetin e Ballukut, opozita bllokon foltoren, mbyllet seanca

Politikë | 8 muaj më parë

Kuvendi ka votuar sot kundër heqjes së imunitetit të deputetes Belinda Balluku, duke rrëzuar kërkesën e Struktura e Posaçme Kundër Korrupsionit dhe Krimit të Organizuar për arrestimin e saj. Vendimi shkaktoi tension të lartë në sallë.

Deputetët e opozitës reaguan me ovacione dhe filluan të përplasnin tavolinat, duke mos lejuar zhvillimin normal të seancës. Ata bllokuan foltoren e Kuvendit dhe dolën me pankarta kundër vendimit, duke protestuar për mosmiratimin e kërkesës së SPAK.

Në këto kushte, kreu i grupit parlamentar të PS, Taulant Balla, bëri thirrje që të gjitha projektligjet në rendin e ditës të kalonin për votim pa u diskutuar.

Si pasojë, projektligjet u miratuan vetëm me votat e mazhorancës, ndërsa opozita nuk mori pjesë në votim, duke shfaqur pakënaqësinë e saj ndaj vendimit për Ballukun.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.