Kuvendi nuk i hoqi imunitetin Ballukut, Delegacioni i BE për RTSH: Lufta kundër korrupsionit thelbësore për integrimin

Politikë | 8 muaj më parë

Delegacioni i Bashkimi Evropian në Shqipëri ka reaguar për Radio Televizionin Shqiptar lidhur me vendimin e Kuvendit për të mos hequr imunitetin e deputetes Belinda Balluku.

BE thekson se angazhimi ndaj shtetit të së drejtës dhe lufta kundër korrupsionit mbeten elementë thelbësorë për procesin e anëtarësimit të Shqipërisë në BE.

“Bashkimi Evropian është në dijeni të rezultatit të votimit të sotëm në Parlamentin e Shqipërisë.

Angazhimi ndaj shtetit të së drejtës dhe lufta kundër korrupsionit janë të një rëndësie thelbësore për procesin e anëtarësimit në BE.

Sigurimi i një mjedisi të përshtatshëm që SPAK të kryejë në mënyrë efektive punën e tij është thelbësor për të mbështetur në mënyrë të besueshme progresin e Shqipërisë drejt anëtarësimit në Bashkimin Evropian”, tha Delegacioni i BE për RTSH.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.