Pas përfundimit të javës së 28-të të kampionatit “Kategoria e Parë”, trajnerët e ekipeve kombëtare kanë përzgjedhur 11-shen më të spikatur, duke vlerësuar paraqitjet më të mira në këtë javë plot rivalitet.

Në krye të formacionit është konfirmuar edhe këtë javë trajneri i Kukësit, Bledi Kadiu, i cili vijon momentin pozitiv me skuadrën verilindore, duke regjistruar fitoren e dytë radhazi, kësaj here ndaj Kastriotit.

Në portë spikati Oriola i Kukësit, ndërsa katërshja e mbrojtjes përbëhet nga Nikolin Duka (Korabi), Erest Lamellari (Kukësi), Ersildjo Asllanaj (Apolonia) dhe Vangjel Zguro (Pogradeci).

Mesfusha përfaqësohet nga Irdi Morina (Korabi), Bibo (Laçi), Wesley (Lushnja) dhe Giorgio Lesai (Pogradeci), ndërsa në repartin ofensiv janë përzgjedhur Mario Beshiraj (Skënderbeu) dhe Mavanga (Iliria), të cilët u dalluan me performancat e tyre në ndeshjet respektive.