Reforma Zgjedhore, Gjiknuri e Bylykbashi takim me delegacionin e ODIHR: Projektligji për financimin prezantohet javën e ardhshme

Aktualitet | 7 muaj më parë

Bashkëkryetarët e Komisionit të Reformës Zgjedhore, Damian Gjiknuri dhe Oerd Bylykbashi, zhvilluan një takim me një delegacion të ODIHR, ku diskutuan mbi ecurinë e reformës zgjedhore.

Ata njoftuan se javën e ardhshme do të prezantohet projektligji i ri për financimin e partive politike, i cili konsiderohet një hap i rëndësishëm për rritjen e transparencës dhe përmirësimin e standardeve zgjedhore.

Pas kësaj, komisioni do të vijojë punën për ndryshime në Kodin Zgjedhor, në përputhje me rekomandimet e OSBE.

“Misioni i ODIHR-it është i angazhuar të bashkëpunojë ngushtësisht me ekspertët e komisionit për gjetjen e zgjidhjeve teknike që adresojnë rekomandimet në përputhje me standardet më të mira ndërkombëtare për zgjedhjet”, u shpreh Gjiknuri.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.