Shërbimet online pa pagesë kanë thjeshtuar ndjeshëm procedurat e aplikimit për pensionet. Në Drejtorinë Rajonale të Sigurimeve Shoqërore  në Shkodër, të gjitha shërbimet tashmë ofrohen online, ndërsa numri i qytetarëve që i përdorin këto platforma është në rritje të vazhdueshme. Ndërkohë pranë sporteleve të ISSH-së në Shkodër ofrohet asistencë e vazhdueshme për aplikimet nga qytetarët e interesuar.

“Të gjitha aplikimet për sigurimet shoqërore janë online dhe shërbimet apo mënyra e aplikimit është shumë e thjeshtë. Interesi është”, deklaroi Violeta Staka, drejtoresha e ISSH Shkodër.

Një lehtësi e shtuar për aplikuesit për pensione pleqërie është edhe përfshirja në sistem e dokumentacionit të ish-kooperativave dhe ndërmarrjeve shtetërore para viteve ’90. Ky proces ka bërë të mundur shqyrtimin dhe realizimin e aplikimeve për pension edhe në rastet kur mungon dokumentacioni fizik.

“Kemi mundësinë e kontrollit për gjithsecilin që bën aplikim për pension. Mjafton vetë renditja e periudhave të tyre kontributive dhe nëse nuk shoqërohet me dokumentacion. Për ne është e mundshme verifikimi dhe lidhja e përfitimit”, shtoi Staka.

Ndërkohë, një ndihmë të konsiderueshme për aplikimet online përmes portalit e-Albania jep edhe Bashkia Shkodër, përmes një zyre të posaçme të ngritur për asistimin e qytetarëve në kryerjen e procedurave online, si për pensionet ashtu edhe për shërbime të tjera administrative.

/RTSH/