Shqipëria “ngushëllohet” me Ukrainën, përparësi bilanci për t’u përmirësuar dhe e ardhmja e trajnerit

Kombëtarja | 7 muaj më parë

Shqipëria do të ndeshet sot në Valencia në një duel ku përballë do të ketë një rivale, e cila ashtu si kuqezinjtë vetëm pak ditë më parë u zgjua nga ëndrra për t’u kualifikuar në finalet e Botërorit 2026.

Të besuarit e Sylvinho-s ose më saktë ajo çfarë mbetet prej tyre, pasi shumë janë kthyer në skuadrat respektive, do të sfidojnë Ukrainën në një ndeshje ku motivimi i vetëm është përmirësimi i bilancit direkt me formacionin verdheblu. Në tetë ndeshje që ka zhvilluar Shqipëria me Ukrainën, kuqezinjtë kanë mundur të fitojnë vetëm një ndërsa janë mposhtur plot 6 herë.

Një tjetër temë delikate e këtij takimi është edhe fati i trajnerit brazilian. Post ndeshja e sotme mund të jetë një tjetër mundësi e artë për gazetarët, të cilët ashtu si i gjithë opinioni publik shqiptar kërkon të dijë më shumë rreth së ardhmes së trajnerit.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.