Lezhë/ Besimtarët katolikë bekohen për Pashkë, tradita e ringjalljes së Krishtit mbledh familjet në kisha

Sociale | 7 muaj më parë

Teksa të dielën kremtohen Pashkët katolike, besimtarët e Lezhës që prej orëve të para të mëngjesit të kësaj të shtune i janë drejtuar kishave për të marrë bekimin e ushqimeve tradicionale të festës. Përgatitjet kanë nisur prej ditësh dhe kulmojnë me shpalljen e lajmit të madh: “Krishti u ringjall”.

Besimtarët e krishterë, duke folur për simbolikën e Pashkës, kanë adresuar lutjet e tyre për shëndet, paqe dhe begati në familje. Bekimi i ushqimeve është një traditë e hershme e kësaj feste, pasi përmes ushqimit kërkohet bekimi i gjithë familjes.

Pashkët kremtohen si kujtesë e ringjalljes së Krishtit, ndërsa përgatitjet fillojnë me periudhën e 7 javëve të Krezhmeve, kohë agjërimi dhe reflektimi shpirtëror. Festa kulmon me gëzimin e ringjalljes, që për besimtarët katolikë është momenti më i rëndësishëm i vitit liturgjik.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.