Policia paralajmëron për mesazhe të rreme në emër të Posta Shqiptare: Kujdes, rrezik për të dhënat bankare

Aktualitet | 7 muaj më parë

Drejtoria për Hetimin e Krimeve Kibernetike ka njoftuar qytetarët se po qarkullojnë mesazhe SMS mashtruese, të cilat paraqiten në mënyrë të rreme si njoftime nga shërbimet postare për dorëzimin e paketave.

Këto mesazhe përmbajnë lidhje të dyshimta dhe kërkojnë veprime urgjente, me qëllim përvetësimin e të dhënave personale, vjedhjen e të dhënave bankare dhe akses të paautorizuar në llogaritë financiare.

Autoritetet theksojnë se bëhet fjalë për tentativa mashtrimi dhe u bëjnë thirrje qytetarëve të tregojnë kujdes maksimal.

“Mos klikoni në lidhje të dërguara nga numra të panjohur; Mos jepni të dhëna personale apo bankare; Fshini menjëherë mesazhe të tilla dhe mos ndërveproni me përmbajtjen e tyre; Raportoni çdo rast të dyshimtë në kontaktet zyrtare të Policisë”, bëjnë thirrje autoritetet.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.