Botërori 2026 tërbon banorët e Nju Jorkut, transporti publik do të përdoret vetëm nga tifozët

Futboll Bota | 7 muaj më parë

Shtetet e Bashkuara të Amerikës kanë marrë disa masa në kuadër të Botërorit 2026 dhe njëra prej tyre do të ketë impakt direkt në jetën e qytetarëve të Nju Jorkut.

Sipas rregullave të reja, të cilat do të jenë në fuqi vetëm për muajin e Botërorit 2026, stacionet e transportit publik do të jenë të aksesueshme vetëm nga tifozët.

Tetë ndeshjet që do të luhen në impiantin “MetLife” të Nju Xhersit do të bëjnë që stacioni “Penn”, i Nju Jorkut të përdoret vetëm nga tifozët.

Stacioni i trenit në fjalë, i vendosur në zemër të Manhatanit, do të jetë një portë hyrëse thelbësore për tifozët që udhëtojnë nga qyteti në “MetLife Stadium”.

Si rezultat, për katër orë para fillimit, stacioni “Penn” do të jetë i mbyllur për të gjithë përveç atyre që kanë bileta për Kupën e Botës, sipas NorthJersey.com.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.