Një aktivitet i veçantë artistik kushtuar figurës së kompozitorit të njohur të muzikës qytetare  Muharrem Gurra, do të ngjitet në skenën e Teatrit Kombëtar të Operës dhe Baletit, duke bërë bashkë disa nga emrat më të spikatur të muzikës shqiptare.

Koncerti “Kur dy zemra dashurohen” sjell në një premierë artistike interpretime nga Merita Halili, Kastriot Tusha, Manjola Nallbani, Artan Bakija dhe Elvina Gurra.

Ky koncert synon të rikthejë në vëmendje vlerat e muzikës qytetare dhe trashëgiminë e saj ndër breza.

Artistët pjesëmarrës e vlerësojnë këtë projekt si një rikthim të ndjerë në repertorin që ka shoqëruar breza të tërë, ndërsa publiku pritet të përjetojë një mbrëmje me këngë të njohura të dashurisë dhe muzikës popullore qytetare.

Koncerti vjen si pjesë e një cikli artistik që synon të ri sjellë në skenë figurat e mëdha të muzikës shqiptare dhe të përcjellë trashëgiminë e tyre tek brezat e rinj.

/rtsh.al/