Vllaznia nuk ndalet, Dodaj ndëshkon Teutën

Abissnet Superiore | 7 muaj më parë

Vllaznia nuk ndalet. Në javën e 31-të të “Abissnet Superiore”, skuadra kuqeblu ka mposhtur Teutën me rezultatin 1-0 në një ndeshje që erdhi për shikuesit në ekranin e RTSH Sport.

Në “Loro Boriçi” takimi nisi vrullshëm, ndërsa goli i vetëm u shënua në fundin e pjesës së parë me Dodajn që shfrytëzoi në maksimum mundësinë e krijuar.

Durrsakët nga ana e tyre kërkuan të reagonin, por përballë një Vllaznie të kujdesshme nuk ia dolën, aq më tepër që në minutën e 65-të humbën dhe shërbimin e Jazxhi, i ndëshkuar me karton të kuq për një ndërhyrje të parregullt në dëm të Kallakut.

Me këtë fitore, Vllaznia ngjitet në kuotën e 59 pikëve, 5 më shumë se Egnatia e vendit të dytë. Teuta mbetet në kuotën e 38 pikëve, në vend të 6-të.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.