Një futbollist i Premier Ligës Ganeze humb jetën pas një grabitjeje të armatosur në autobusin e ekipit

Futboll Bota | 7 muaj më parë

Sulmuesi i krahut i ekipit të Berekum Chelsea, Dominic Frimpong, humbi jetën pasi autobusi i skuadrës së tij u grabit nga disa persona të armatosur. Federata Gazene e Futbollit bëri me dije se gjithçka ndodhi kur futbollistët po ktheheshin nga një ndeshje e Premier League të Ganës të luajtur në Samartex.

Persona ende të paidentifikuar hapën zjarr në momentin kur shoferi i autobusit u mundua që të kthehej mbrapsht, duke plagosur kështu në kokë 20-vjeçarin. Futbollisti ndërroi jetë më vonë në spital dhe mësohet se është i vetmi viktimë e raportuar e incidentit.

“Shoqata e Futbollit të Ganës (GFA) ka marrë me tronditje dhe pikëllim të thellë lajmin tragjik të ndarjes nga jeta të Dominic Frimpong të Klubit të Futbollit Berekum Chelsea”, thuhet në deklaratë.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.