Një aksident tragjik rrugor ka ndodhur në perëndim të Meksikës, ku një autobus turistik doli nga rruga dhe u përmbys pranë qytetit Amatlán de Cañas. 

Sipas autoriteteve lokale, autobusi transportonte ekskursionistë nga shteti Halisko.

Nga aksidenti humbën jetën 11 persona, ndërsa të paktën 30 të tjerë u plagosën.

Gjashtë pasagjerë u gjetën të vdekur në vendngjarje, ndërsa pesë të tjerë ndërruan jetë në spital për shkak të plagëve të rënda. 

Shkaqet e aksidentit mbeten ende të paqarta. 

Ky është vetëm një nga aksidentet e shumta me pasoja fatale që ndodhin shpesh në Meksikë.

Sipas medias vendase, vetëm në shtatorin e kaluar, një tren mallrash përplasi një autobus dykatësh në qendër të vendit, duke shkaktuar vdekjen e të paktën 10 personave dhe plagosjen e mbi 60 të tjerëve.

Ndërsa në shkurt 2025, mbi 40 persona humbën jetën kur një autobus që udhëtonte nga Tabasko drejt Kankunit u përplas me një kamion dhe u përfshi nga flakët. 

𝗦𝘂𝗯𝗲 𝗮 𝟭𝟬 𝗲𝗹 𝗻ú𝗺𝗲𝗿𝗼 𝗱𝗲 𝗳4𝗹𝗹𝗲𝗰1𝗱0𝘀 𝘁𝗿𝗮𝘀 𝘃𝗼𝗹𝗰𝗮𝗱𝘂𝗿𝗮 𝗲𝗻 𝗔𝗺𝗮𝘁𝗹á𝗻 𝗱𝗲 𝗖𝗮ñ𝗮𝘀, 𝗡𝗮𝘆𝗮𝗿𝗶𝘁

El número de víct1m4s mort4l3s por la volcadura de un camión de pasajeros en la comunidad Pie de la Cuesta en límites con Jalisco se elevó a… pic.twitter.com/PZdBLoHmlc

— Notigram Jalisco (@NotigramJal) May 1, 2026

/rtsh.al/