MLS/ Miami mposht Philadelphia 6-4, por nuk feston, Messi braktis fushën i dëmtuar

Futboll Bota | 5 muaj më parë

Vetëm 23 ditë nga debutimi në fazën finale të gjashtë të Botërorit, Lionel Messi ka pësuar një dëmtim në atë që do të ishte takimi i tij i fundit në MLS përpara eventit të madh.

Fitorja e Inter Miami përballë Philadelphia Union me shifrat 6-4 kaloi në plan të dytë pasi ylli argjentinas u detyrua që të largohej nga fusha në minutën e 72-të.

Deri më tani nuk ka asnjë detaj rreth dëmtimit, por disa medie amerikane kanë bërë me dije se numri dhjetë i Inter Miami-t ka lënë “Nu Stadium” duke prekur kofshën. Një skenë e tillë lë të dyshohet për një dëmtim të mundshëm të Messi-t, vetëm 23 ditë përpara ndeshjes Argjentinë-Alegjeri, ku kampionët në fuqi do të nisin mbrojtjen e trofeut të fituar në Katar.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.