Kontrolle në ambientet e brendshme të burgut në Shkodër, sekuestrohen celularë

Aktualitet | 5 muaj më parë

Policia e bugut në Shkodër, në bashkëpunim me Agjencinë e Mbikëqyrjes në Sistemin e Ekzekutimit të Vendimeve Penale, ka ushtruar kontrolle në ambientet e brendshme të institucionit, ku janë zbuluar dhe sekuestruar disa aparate celularë të dyshuar si të ndaluar.

Kontrollet janë zhvilluar pas informacioneve të marra në rrugë operative dhe nën drejtimin e drejtuesve të institucionit si dhe Shefit të Policisë.

Gjatë kontrollit në godinën nr. 2, në ambientet e dusheve është gjetur një aparat celular i markës “Xiaomi”, ndërsa në lavanderi janë zbuluar një celular “Nokia” dhe një “iPhone”, së bashku me dy fisha karikimi.

Për rastin janë hartuar raportet përkatëse të incidentit dhe procesverbalet e bllokimit të sendeve, ndërsa autoritetet kanë njoftuar Agjencinë për vijimin e procedurave ligjore dhe administrative.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.