Një shpërthim i fuqishëm në rajonin e Moskës ka tronditur ushtrinë ruse, pasi një gjeneral përgjegjës për furnizimin me municione u vra të martën në Balashikha.

Zyrtarët konfirmuan se viktima ishte Damir Davydov, kreu i krahut të raketave dhe artilerisë në Ministrinë e Mbrojtjes Ruse.

Ai humbi jetën pasi automjeti i tij, një BMË X3, shpërtheu në lagjen Aviatorov, pranë Rrugës Koldunova. 

Pamjet e kamerave të sigurisë treguan momentin kur makina u përfshi nga flakët në pjesën e pasme, përpara se të përplasej me një automjet të parkuar.

Kalimtarët u përpoqën ta nxirrnin shoferin nga rrënojat, por ai ndërroi jetë pak më vonë. Raportimet e mediave ruse sugjerojnë se shpërthimi u shkaktua nga një eksploziv i improvizuar i vendosur në automjet. 

Burime të ndryshme, përfshirë kanalet e Telegramit dhe mediat ndërkombëtare, raportuan se viktima ishte një gjenerallejtënant 62-vjeçar, duke e cilësuar këtë si likuidimin e katërt të një oficeri rus me gradë kaq të lartë në dy vitet e fundit.

Vendndodhja e shpërthimit është afër zonës ku vitin e kaluar u vra gjenerallejtënant Yaroslav Moskalyk në një atentat të ngjashëm me bombë në makinë. 

Sipas medias ndërkombëtare, ky atentat ka ngritur pikëpyetje mbi sigurinë e strukturave të larta të ushtrisë ruse dhe ka shtuar tensionet në një kohë kur Rusia po përballet me sfida të shumta në frontin e saj ushtarak.

Ngjarja pritet të ketë pasoja të rëndësishme në zinxhirin e komandës dhe furnizimit të ushtrisë, duke goditur një nga sektorët më kritikë të saj. 

A car was blown up near Moscow, killing the driver.

This morning, an explosion occurred in Balashikha when the driver got into a BMW X3 and sped away from a parking space. The man, believed to be a soldier, was killed. According to Kommersant sources, an improvised explosive… pic.twitter.com/hN7WNmfumJ

— Belsat in English (@Belsat_Eng) June 9, 2026

/rtsh.al/