Peshkaqeni bie në rrjetat e peshkatarëve të Borshit, rreth 2 m i gjatë

Aktualitet | 4 muaj më parë

Një peshkaqen i tipit “dhelpër”, me gjatësi rreth 2 metra dhe peshë afro 35 kilogramë, ka rënë në rrjetat e peshkatarëve të Borshit.

Kapja e tij ka ngjallur interes të madh mes banorëve dhe pushuesve të zonës.

Menjëherë pas nxjerrjes në breg, dhjetëra persona u mblodhën për ta parë nga afër dhe për të fotografuar peshkaqenin. Peshkatarët shprehen se, ndonëse Deti i Jonit është i pasur me specie të ndryshme, raste të tilla mbeten të rralla.

Ky episod ka shtuar diskutimet mbi praninë gjithnjë e më të shpeshtë të peshkaqenëve në bregdetin jugor, duke e bërë kapjen e fundit një ngjarje të veçantë për komunitetin lokal.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.